गुदमैथुनको आरोपमा जेल परेका मलेसियाका पूर्व उपप्रधानमन्त्री अन्वार इब्राहिम रिहा

एजेन्सी । मलेसियाका पूर्व उपप्रधानमन्त्री अन्वार इब्राहिम बुधबार जेलमुक्त भएका छन् । गुदमैथुनको अभियोगमा जेल परेका इब्राहिमलाई सजाय माफी घोषणा गरेर जेलमुक्त गरिएको हो ।

उनलाई जेलमुक्त गरिएपछि ठूलो संख्यामा उहाँका सुभेच्छुकले खुशीयाली मनाउँदै र्‍याली निकालेका थिए । राष्ट्रप्रमुख तथा राजा मोहम्मद पाँचौँले उहाँलाई पूर्ण माफी दिँदै तत्काल रिहा गर्न लगाएका हुन् । उनलाई सन् १९९८ मा उपप्रधानमन्त्रीबाट पदच्युत गरिएको थियो भने केही समयपछि भ्रष्टाचार र गुदमैथुनको आरोप लगाएर जेल चलान गरिएको थियो ।

सन् २०१५ देखि फेरी गुदमैथुनकै आरोपमा दोस्रो पटक काराबासको सजाय गरिएको थियो । आफूमाथि लागेको आरोपलाई भने अन्वारले अस्वीकार गर्दै राजनीतिक प्रतिशोध साँधेर गलत आरोप लगाई दण्डित गरिएको बताउदै आइरहेका थिए ।

सन् २०१६ देखि अन्वार र पूर्वप्रधानमन्त्री माहाथिर मोहम्मदले संयुक्तरूपमा नाजिब रजाक नेतृत्वको सरकारविरुद्ध मोर्चाबन्दी गर्दै आएका थिए ।

Follow Us

Facebook

Twitter

© Copyright by NayaBato
सम्पर्क [email protected]
Scroll Up