चीनले दियो युद्ध सङ्केत भारत डरायो (भिडियो सहित)

चीनले दियो युद्ध सङ्केत भारत डरायो (भिडियो सहित हेर्नुहोस)

चीनले आफ्नो भू–भागमा गैरकानुनी रुपमा भारतीय सैनिकहरु बसिरहेको भन्दै तत्काल हटाउन भारतलाई चेतावनी दिएको छ ।

चीनको सरकारी समाचार संस्था सिन्ह्वामा प्रकाशित एक टिप्पणीमा चीन, भारत र भुटानको सिमा क्षेत्र नजिकै पर्ने दोक्लमबाट भारतीय फौज फिर्ता नभएसम्म कुनै किसिमको बार्ता हुन नसक्ने उल्लेख गरिएको छ ।

भारतले उक्त क्षेत्र भुटानको भएको र चिनियाँ पक्षले अतिक्रमण गरेर सडक बिस्तार गर्न लागेकाले सैनिक पठाएको बताउँदै आएको छ । चीनले सिमा क्षेत्रमा बनाउन लागेको उक्त सडकबाट आफ्नो सुरक्षामा गम्भिर चुनौती थपिने भारतको चिन्ता छ ।

सिन्ह्वामा प्रकाशित लेखमा दोक्लमबाट फौज हटाउन पटक पटक गरिएको आग्रहलाई भारतले बेवास्ता गरेको भन्दै अब पनि अटेर गरिरहे निकै लाजमर्दो अवस्थाको सामना गर्नुपर्ने चेतावनी दिईएको छ ।

बिगत एक महिनादेखि चलिरहेको उक्त विवाद समाधान गर्न भारतले कुनै चासो नदेखाएको चिनियाँपक्षको ठहर छ । दोक्लमबाट भारतीय पक्षले आफ्नो फौज हटाएमात्रै बार्तामा बस्न सकिने चीनको अडान छ ।

यसैबिच भारतीय अखबार द ईण्डियन एक्सप्रेसका अनुसार भारतको केन्द्र सरकारले दोक्लमको विवादबारे बिपक्षि दलसँग छलफल गरेको छ । छलफलमा बिपक्षि नेताहरुले सरकारलाई बेईजिङसँगको तनाव कम गर्न र कुटनीतिक तवरबाट समस्याको समाधान गर्न सुझाएको समाचारमा उल्लेख छ ।

भारत र चीनबिच ४ हजार किलोमिटरभन्दा लामो जमीन जोडिएको सिमा क्षेत्र छ । सीमा विवादकै कारण यी दुई राष्ट्रविच सन् १९६२ मा युद्ध समेत भएको थियो ।

Follow Us

Facebook

Twitter

© Copyright by NayaBato
Designed By appharu
Scroll Up